ما كفاية لف ودوران يا محمد بن سلمان ( رؤية على غرار أغنية حارة السقايين ) بقلم محمد الشرشابى

مفيناش خبينى يا حيطة مفيناش لف ودوران

مبقاش في وقت يا عايب للكذب يا أبو سلمان
ليك ماضي كله سوابق فى القتل ملكش أمان
وأنا عايزك تهدى شوية ح يسويك أردوغان

********

أنا عمرى لا أحب الخاين ولا أحب الكدابيين
ما تروح تتعالج يا بنى فى دكاترة نفسيين

**********

على مين على مين على مين
على مين يا أبو السلامين
على مين على مين على مين
خاشقجى وديته فين

********
إن كنت جاى تستغبى روح إسال الفاهمين
يا حبيبى دة أنتوا أخركم كام ناقة ومعزتين

**********

ياما لك فى القتل ضحايا يحكو عنك حكايات
بيقولوا إنك بتنشر في الليله سبع جثات

والجثة الواحده في ليله تقطعها سبع حتات
ويروح تاني يوم القنصل يرميله سبع شنطات

*********

إن كنت جاى تستغبى روح إسال الفاهمين
يا حبيبى دة أنتوا أخركم كام ناقة ومعزتين

قصيدة ( مسافرٌ فى الفجر ) شعر محمد كمال الشرشابى

مسافرٌ فى الفجر
***********

خرجت الفجر أتنسم عبيره

لقيت الفجر عطره مستعيره

حقيقى أيوة دى ريحة نفسها

حبيبى الغالى بشهيقه وزفيره

وسرت فى ريحة الانفاس بشوقى

وهو بيحلم فى أحضان سريره

وروحه هايمه حوليا تشاغلنى

حبيبى الغالى كان نفسى أجيله

وحشنى كتير ووحشتنى إبتسامته

ونظره عينه خلتنى أسيره

وشفت البدر فى نهاية مساره

بينهى الليل عشان يطلع نهاره

لقيت البدر نوره من خدودها

وصورتها على وجهه تزينه

وكان البدر بشعاعة بيرسم

على الامواج خطواته وسيره

شيفها هناك على الميه بتضحك

وتجرى كمان على شطه ورماله

ونقطه من ندى جبينها بتنزل

فى ماء البحر توهب له عبيره

يدوب البحر من نقطة نداها

ما يعرف فين شماله من يمينه

وخلص اليل ونور الصبح هالل

وطالعة الشمس جايه بتناديله

تقوله أصحى ده حبيبك مسافر

وسارح فيك يا طريقه ودليله

بيتمنى يلاقيك فى النهايه

تنورله طريقه وتنهى ليله

ولما الشمس طلعت فى سمانا

لقيت الشمس لونها لون شعـوره

وقبل نهاية مشوارى وسفرى

فى لحظة حركت قلبى وكيانه

لقيت سحابه كاتبه إسم حبى

وعامله سهم على بيته ومكانه

تقولى دى نهاية طريقك

و جنة قلبك فى حبه وحنانه

قصيدة ( رساله إلى إذاعة الأغانى المصرية ) شعر محمد كمال الشرشابى

يا أحلى إذاعة فى الدنيا  يا دقة حب فى حياتى

رفيقة عمرى من يومك كإنك ضل خطواتى

سنين وسنين وأنا عايش معاكى فرحى وأهاتى

فى كل مكان فى دنيايا هواكى هو نبضاتنى

***

فى بيتى وشغلى وفى سفرى بلاقيكى فى كل مكان

وكنتى كبيرة من يومك ودلوقتى بقيتى جنان

بدأنا برامجك الحلوة مع طارق  فى كان ياما كان

أغانى حياتى بسمعها يوم الجمعة مع إنسان

وأصوات من زمن فات فى يوم السبت بيه سهران

ويجى كل يوم إتنين نعيش ساعة مع فنان

وغواص النغم فيكى بيسحرنا مع الألحان

وحفلاتك فى سهراية نغم فى القلب والوجدان

وأغانى الصبح ورداية عبيرها يزيد مع الأزمان

وأقولك إيه وعيدلك إيه ده أنا عاشق بيكى ولهان

إلهى يحفظك لينا وأشوفك فوق كمان وكمان

وتبقى نبعنا الصافى منعرفش معاه حرمان

نعيش لحظة بلحظة معاة مشاعر الحب والأشجان

وسر جمالك إن إنتى حريصة كمان على الأوطان

***

فريق إعدادك الجبار  كإنه بيقرى أفكارى

ألاقى الغنوة بسمعها كإنى إخترت بقرارى

يا فهمانى وقارية عقلى وكيانى  وعارفة كل أسرارى

مشاركانى فى فرحى وكل احزانى وإنتى سر أشعارى

عليكى بغير يا احلى أثير و أجمل شيئ فى أقدارى

يا سر السعد فى قلبى يا نغمة شوق بأوتارى

يا نجمة فى سما الإذاعات وإسمك هو دة شعارى

عن الأصل أتحدث شعر محمد كمال الشرشابى

من وحى البحر ( شعر محمد كمال محمد الشرشابى )

قصيدة ( يا منجتى ) شعر محمد كمال محمد الشرشابى

حبيبتى
معشوقتى
قاتلتى
إنى أشم رائحتك وأنا نائم
ويدق قلبى بحبك
فقلبى فى هواكى هائم هائم
وأنتى بين يدى أتأمل محاسنكِ
ويقشعر بدنى بملمس جلدكِ الناعم
وبدون أن أدرى يراوضنى الحنين لكِ
لأخلع عنك ردائك وثوبك الدائم
صفراء خضراء تسحرنى ملامحكِ
ويجرى لعابى فأصبح فيه أنا عائم
وبدون أن أشعر أشرحك بسكينٍ
حباً وعشقاً لا ناقم ولا لائم
وأشرب من دمكِ الشهى قطرات
كشهد الرضاب يشفى قلبى الهائم
وألتهم لحمُكِ فلا أبقى له أثراً
ما لى سواكِ من صاحب ومن رائم
زبدية كنتى أم فص أنا عاشق
أهوى عصيرك وأكل لحمك الناعم
يا منجتى

قصيدة ( الوان ) شعر محمد كمال محمد الشرشابى

فى ناس واقفه كده فى الزور
وناس م القلب ما بتطلعش
وناس عشرتها نور على نور
وغيرها فى النهار ما يشوفش
وناس تشرب عصير قلبك
وتسقيها الهنا ما تبخلش
وناس تديها نن العين
ويطلع إبن إيه ما يسألش
وناس فى البعد يبقوا معاك
وناس فى القرب ما بتظهرش
وناس تاكل معاك لقمة
وحتى العشرة ما بتحفظش
وناس ماشوفتهاش خالص
لكن حفظاك مابتجرحش
وناس عايش فى وسطيهم
تقول سكينة !! مابترحمش
وناس تستنى كلمتهم
وناس لو غنوا مابتسمعش
وناس تسمع صدى صوتهم
فى كل مكان ماتستغربش
وناس تبقى قصاد عينك
لكن عينك ما بتشوفهمش
وناس بينك وبينها بلاد
لكن م العين ما تتحركش
وناس بتعيش على حنانهم
وناس لو حنوا مابتقبلش
أشوف فى الناس كتير ألوان
لكن قلبى ما يتلونش

قصيدة ( عايز أتجوز من تانى ) قصيدة فكاهية شعر محمد كمال محمد الشرشابى

يا صحابى يا أهلى ويا جيرانى

يا حبيبى يا عيلتى وخلانى

أنا عايز أتجوز من تانى

أفرح وأملا الدنيا أغانى

وأعيش أيامى فى حريه

مع أربع زهرات بريه

مع دنيا جديده وشرعيه

وحده رقيقه زى الورده

حساسة وحلوه وشاعريه

تملا حياتى كلها بهجه

بعيون نعسانه وعسليه

وواحده جميله تكون عصبيه

تشغل أيامى بحب وغيره وحنيه

وواحده متفرقش معاها

بتقول ع البيتفور طعميه

وكمان واحده تكون نكديه

تنكش على المشكله بالابره

متسيبش اليله  معديه

ولو عدى علينا اليوم هادى

نتنكد بآثار رجعيه

كده تبقى الدنيا خلاص كملت

عشها يا باشا الدنيا أهى جايه

قصيدة ( آهة حنين ) شعر محمد كمال محمد الشرشابى

سألتك حبيبتى

 ليه الآهه ليه

قولتيلى حبيبى

جوايا آهة حنين

أيوة حبيبتى

هى فى قلبى وقلبك

إللى عاشوا جوه شوقهم سهرنين

قلبى عمره ماحسها طول السنين

دوبتنى

سهرتنى

رجعتنى لعمر ضاع

بعدتنى

قربتنى

صحت الشوق والحنين

حسستنى بنبض قلبى والأنين

إللى مستنى بلهفه

لحظة لقانا مشتاقين

لحظة الشوق إللى يجمعنا سوى

يروى قلبك ويا قلبى

من بساتين الهوى

أرتمى فى حضن حضنك

وأنسى آلام السنين

والعنين تسرح فى حسنك

والإدين الحيرانين

ترسم الأشواق على خدك

بأجمل وردتين

تنقل الإحساس لقلبك

والشفايف والعنين

ياللى قلبى ملك قلبك

عقده سارى من سنين

إملى بستانك وقصرك

وإفتحى باب الحنين

ده الهوى على شط بحرك

يسعد القلب الحزين

قصيدة ( حبيبتى ) شعر محمد كمال محمد الشرشابى

حبيبتى

يا مــن إذا لَمِسَـــــتْ النــــهر شــــــــــفتيكِ

لأصــبح النهر لهـــما هيمــــــانً وظمـــــآنَ

يــا مـــن إذا نظــرتى لصـــخرةٍ بعـــــــينيكِ

تفـتت الصخــرُ وصـــار نـــاراً وبركــــــــانَ

يا مـــن إذا مــرت عـلى الرمــالِ قـدمـــــيكِ

لصــار الرمــلُ لــؤلؤً ويقــوتً ومرجــــــانَ

يـا مـــن إذا لَمِسَــــتْ الــــورود يديـــــــــكِ

لخجـلت مـــن كــونــها عــطراً وريحــــــانَ

يــا مــن إذا مــر النســيمُ عــلى خــــــديــكِ

ذاب النســـيم منـــكِ رقــــــــةً وحـــــــــنانَ

**

أتذكرين ؟؟

يـــوم إلتقـــينا عــلى أطــــراف النخـــــــيل

وتناجــــت العـــــينان فـــى زمـــنٍ قــــــليل

**

إقــتربنا وأقـــتربنا حــتى أصـمـتنا الريــاح

وتعــانقـــت أيدينا فــى شـــعـورٍ بإرتيــــاح

فتناجــت مقــلتانا بيــن صــمتٍ وصـــــياح

وفــؤادى يشتهى ضــــمةً تشــفى الجـراح

**

ثم سار فى عروقى حتى موضــع لمــستك

وتسربَ فى يديكِ حتى صــار فـى حــوزتك

دار يبحر فــى عـروقــك يهـــتدى بدقــــتك

حتى أهداه الطـريق ليلــقىَ مــنبع رقــــتك

**

فتعــانق القــلبان حــتى أذابهـــما الحـــنين

وصـــارا قـــلباً واحــداً بعــد آلام الســــنين

كم تحـمل فـى بعـــادك مــن جــراح وأنـين

كنت أسقيه السعـادة بصـوتكِ حـين فـحـين

**

والأن صار أمانةً فــى صــدرك فلترحـميه

فكـــرامة الحــب حــبيباً يعشــقه ويفــتديه

وإن أردتى ذات يـومٍ أن تهـجرى وتبعـديه

فحاولى إن إستطعتى من قلـبى أن تفصليه

قصيدة ( كل شئ يرضينى ) شعر محمد كمال محمد الشرشابى

قصيدة ( كل شئ يرضينى ) شعر محمد كمال محمد الشرشابى

*********************

ودينى مطرح ما تودينى

ده كل شيئ منك يرضينى

لكن يا دنيا ما تحرمنى

إنى أعيش وياه سنينى

روحى متعلقه بروحه

وعينه منها ضيا عينى

وقلبى دايب فى هواه

بيرضى بأى شيئ يجينى

بصوته تحلو الحياه

و طيفه يسعدنى يهنينى

هو حبيبى حتى من قبل الوجود

قلبى بيقبل إللى قلبه بيه يجود

أما أنا فى هواه مليش أبدا حدود

وأحلامى معاه مفيهاش قيود

قلبى يحسه من بعيد

طيفه يخلينى سعيد

لمسة إديه

نظرة عنيه

ضحكة شفايفه

لما يضحك يبقى عيد

قلبى يدق من جديد

بيدق من الحان فريد

يقوله دى حكاية غرامى

أنا لما كنت لسه فى الدنيا وليد

كان جوه وجدانى شعور

إن حبيب العمر روحه مش بعيد

وكنت بنتظر الظهور

معرفش إنتى كنتى فين

دورت فى كل البحور

حتى مابين بنات الحور

وكل أوراق الزهور

وكل أنواع العطور

كان قلبى حاسس

إنه مكتوب لى حبيب

نفسى ظهوره يكون قريب

يرجعلى قلبى الغريب

اللى عاش إحساس رهيب

سنين بيستنى الحبيب

وفى يوم لقيتها على موجة أثير

أيوه هى .........

إللى قلبى عاش لها حب وضمير

من قبل ما يشوفها سلم نفسه أسير

يومها كان نفسى أطير

أضمة فى حضنى الكبير

وأشم فى شعره العبير

يا حبيبتى

إن كان نصيبى فى الدنيا وجودك؟؟

انا بوجودك قلبى راضى

ولو كفاية عليا صوتك؟؟

انا بصوتك بستعيد دقه فؤادى

ولو لمست فى يوم إديكى

تدوب أحاسيسى فى هواكى

ولو صادفت فى يوم عينكى

بمشى جواها معاكى

ترضينى كل حاجه بتقربنى منك

تعيشنى فى تأثيرك وسحرك

والاقيكى فى أحلامى فى بعدك

أنا لما أكون عطشان

بتروينى حبيبتى من أنهار شفايفك

بتسقينى الهنا من صافى نبع شهدك

ولو فى يوم بردان

يدوب بردى مابين حضنك وشعرك

ويسحرنى جمال رقه مشاعرك

ولو جتلك فى يوم تعبان

بتشفينى بلمسة واحدة من صوابعك

بيشفينى صوتك ودقه حلوه جوه قلبك

بسمعها فى قلبى وأنا راسى على صدرك

ولو جتلك عاشق ولهان

بتسرى الرعشه بين جسدى وجسدك

والاقى الجنه بين سحرك وحسنك

ياللى سحرتينى فى بعدك

قوليلى كان يجرى إيه لو كنت جنبك ؟؟؟؟

يجرى إيه لو كنت جنبك ؟؟؟؟

قصيدة ( ألم ) شعر محمد كمال محمد الشرشابى

قصيدة ( ألم )  شعر محمد كمال محمد الشرشابى
****************************************

كان قلبى طاير فى السما

سابنى وراح عنى بعيد

رافض يعود ليا أنا

وقالى أنا عايش سعيد

يا قلبى أنا خايف عليك

لتجرحك إيد بعد إيد

خايف عليك

لتضيعك طلقة لواحد غاوى صيد

إرجع يا قلبى

إرضى بأمان وهبتهولك بين ضلوعى

إرجع يا قلبى

أنا من خوفى عليك خلصت دموعى

وفضلت أدور فى الفضا

لقيته هناك واقف بعيد

صوتى إتنبح أنده عليه

قالى إتولدت أنا من جديد

عندى كلام مستنى عصفورى الوليد

كان نفسى اقولة كلمة من أربع حروف

عايز أقولها من زمان جوايا خوف

بس خلاص الصبر راح

جويا صوت مكتوم بيتمنى الصياح

يا قلبى لا

يا قلبى لا

يا قلبى لا

سابنى ورااااااااااح

وفجأة لقيت الأرض تحتى إتزلزلت

ولقيت ساعتها كل حاجة إتبدلت

ومشيت أدور على إللى ضاع من بين ضلوعى

حتى الطريق مش شايفه من جرحى ودموعى

شفته هناك آخر الطريق

أشلاء وفى دمه غريق

معدش فى حاجة يا قلبى ترجعك

حتى الرفيق خلاص بقى بيجرحك