الجمعة، 25 مايو 2012

قصيدة ( كنا بنعمل ثورة ليه ؟؟ ) شعر محمد كمال محمد الشرشابى


كنا بنعمل ثورة ليه ؟؟
لو شفيق أصل الفلول يبقى رئيسك يا بلد

عار عليكى يا مصر إسمه حتى يتذكر فى كشوف إعادة
ليه يا مصر !!!
 ليه يا بلدى لسه فيكى ناس كتيرعايزة الإبادة
ناس ما ينفع تنضرب حتى ببيادة
فاكرة إنه يمتلك سر السعادة

كنا بنعمل ثورة ليه ؟؟
عار عليكى يا مصر  يتذكرإسم الشفيق
عار عليكى يا مصر إن شعبك لا يفيق
وننسى أفعاله زمان وبنفسنا نضل الطريق

كنا بنعمل ثورة ليه ؟؟
هو إعلامك قدر يمحى تفكر العقول ؟؟
خلى ناسك تمشى خلف إعلام الفلول
يمشى غول !!!
وبنفسنا نولى عليكى ألف غول

كنا بنعمل ثورة ليه ؟؟
ليه يا مصر بقيتى متعودة ع الإستكانه
ليه نسيتى إنه ينبوع الخيانه
ليه آلاقى فيكى ناس لسه عاشقة للإهانه

كنا بنعمل ثورة ليه ؟؟
لما ينكشف القناع بكرة تبكى وتعرفى
إنك إخترتى الخداع ومش ح تقدرى ترجعى
ساعتها ما يفيد الندم وتعودى تانى تركعى
عار عليكى يا مصر
حتى يتذكر فى كشوف إعادة