ما كنت سعيد و أنا بحلم بأحضانه لوحديا
حبيبى عاد وحلمى ذاد وكان السر فى إديا
بكل حنين أغمض عين الاقى الجنه حوليا
أعيش وياه بفكرى حياه يا ريتك سبتها ليا
حياه كانت بتسعدنى وعايش عمرى أنا فيها
تقربنى وتبعدنى وراضى بكل معانيها
ده حتى عذابى فى الاحلام بحس إنه أحلى عذاب
وجيت أنت فى لحظة حب على نفسك قفلت الباب
ياأقلبى ليه بتحلم ليه بصوت عالى
ده كان صمتك كده أحسن وسبت خيالى فى الغالى
أعيش الحب أنا وهى بهمس جميل رقيق عالى
وأحلم بس وحديا بأجمل شئ فى خيالى
خلاص سِرَكْ بإيدك أنت خرجته
وضاع حلمك فى لحظة حب كان ساكن و حركته
ما كنت تسيبه يتحرك بيني وبينك
ليه تحرمنى حقيقه شفتها بعينك
ليه تحرمنى من الاحلام
دى حتى لو كانت أوهام
كفايه إن أحلامى فى نار البعد تسعدنى
ترطب حر أيامى فى أحلى حضن بتخدنى
بعيش فيها معاه لحظات أحلى كتير من الواقع
مكفينى وراضينى خيال يجى ويتراجع
لكن دلوقت يا قلبى ما عدش خيال ولا أحلام
حبيبى خلاص حبس طيفه بسببك أنت والايام
وقالت آه بحبك آه لكن طيفى ده مش حقك
كتير بهواك وعمرى فداك وقلبى حته من قلبك
وقولت خلاص حبيبتى .. إعزرى قلبى
كان فاكر بأن الحلم من حقى
أعيش حبى وأحلامى كإنى مش على الهامش
لكن دلوقت أنا عارف بإنى خيال ومش عايش
هناك تعليق واحد:
كلمات القصيده قويه جدا ومؤثره بشكل كبير حركت اوجاع قلوب كانت ساكنه بنشكرك بجد على اسلوبك الرائع وادائك الجذاب واحساسك العالى.
إرسال تعليق